كشف لاعب النادي الأهلي السابق ومدير الكرة الأسبق سيد عبد الحفيظ عن رأيه في أزمة مباراة القمة وخصم 3 نقاط من الأهلي عبر قناة إم بي سي مصر 2 مع الإعلامي إبراهيم فايق.

وقال سيد عبد الحفيظ: "مشهد مش لطيف خالص من كل الأطراف، عشان أكون أمين وقناعتي الشخصية ولا بحايد لحد ولا بتكلم على حد معين، احنا بنتكلم في 2025  بتكلم في الدوريات اللي حوالينا مش هتكلم في أوروبا".

وتابع: "نظام في وسط فوضى وفوضى في وسط نظام، كله بيدخل على بعضه حاجة بقت معتادة في آخر 7 و8 سنين بنشوف فرقة موجودة وفرقة تانية مش موجودة الأطراف كلها ممكن اتكلم عن الاهلي نفسه في الواقعة دي".

وأكد: "المنظومة ككل سواء اتحاد الكرة، الرابطة، وزارة الشباب والرياضة، الأندية الأهلي والزمالك وبيراميدز أطراف كتيرة في مشكلة واحدة، لو هتكلم اتحاد الكرة والرابطة ممكن يكونوا بيضربوا في بعض ممكن تكون عناد".

وأضاف: "حد عاوز يدخل طرف معين وفي الآخر شوفنا المنظر ده وموضوع مكرر، عشان منخودش سكة إن الاهلي مبيطبقش عليه عقوبات مبيطبقش عليه نظام حاجات كتير أوي".

وأكمل: "وده مكنش معتاد في المواقف السابقة لو بتتكلم على لايحة أو قانون، القانون مبيبقاش الساعة 2 وبعد كده بيقفل لا القانون قانون من 96، النظام مش مظبوط والأطراف متشابكة بشكل كبير ممكن يكون بند بيتسند عليه".

وزاد: "أنا مخصوملي 3 نقاط محتاج حد يفهمني ويوضحلي حتى من الأهلي مخصوملي 3 نقاط ليه، طب لو القرار صح انا اتخصملي 3 نقاط ليه،  مروحتش الماتش ليه، محتاج التوضيح في سابقة أول مرة في تاريخ الأهلي يتخصم 3 نقاط.

واختتم: "محتاج أعرف اتخصم الـ 3 نقاط ليه ولو القرار صح ليه اتخصم مش فكرة 50 و50 أنا محتاج شرح، وانا معترض على فكرة ان معايا 44 دوري فخلاص مش مشكلة الدوري ده أنا ليا حق أخده".