حدث حمزة علاء لاعب فريق كرة القدم بالنادي الأهلي عبر ستوري إنستجرام عن التي يقال عنه في الإعلام خلال الفترة الماضية .
وقال حمزة علاء: "يا أيها الذين آمئوا إن جاءكم فاسق بنبأ فتبينوا أن تصيبوا قومًا بجهالة فتصبحو على ما فعلتم نادمين، سورة الحجرات اية "٦.
وأضاف : "رساله لجماهير النادي الأهلي الغالية.. حابب أوضح حاجة مهمة بخصوص الكلام الي اتقال عني في الإعلام مؤخرً، واللي بيقول إني رفضت أقعد مع إدارة النادي أو الناس المسؤولة في النادي اللي أتشرف بالانتماء ليه منذ طفولتي وحتي الان الكلام ده كله مش حقيقي ومفيش منه أي حاجة صح".
وتابع : "أنا عمري ما اتأخرت عن أي اجتماع يخص مصلحة النادي، وبحترم كل شخص مسؤول في الكيان ده، وموجود دايمًا علشان أسمع وأتكلم في أي وقت يتطلب كده".
وأضاف :" النادي ده ليه مكانة كبيرة عندي، وكل يوم بفتخر إني بلبس التيشيرت بتاعه وبحس دايمًا بدعمكم التي لا يقدر بثمن والي هو الدافع الحقيقي في كل يوم ليا في نادينا العظيم".
واكمل حديثه قائلًا: "لجمهور النادي الأهلي، انتم ليكم فضل كبير جدًا جدًا عليا، وانتوا سبب كبير جدًا ورئيسي في الي وصلت له، محبتكم وسندكم عمرهم ما كانوا عاديين، وأنا شايل ليكم تقدير وحب كبير اوي جوه قلبي وأعتقد كلكم عارفين ان انا حبي للنادي و للكيان ملوش حدود".
واختتم حديثه قائلًا: "عمري ما اقدر اغلط ولا في النادي ولا في جمهوره ولا في اي مسؤول داخل النادي، و أنا مش الشخص الي يكون ده موقفه مع النادي، فأنا أتشرف بالإنتماء إليه والي جماهيره ،كل الحب والاحترام للنادي الأهلي و جمهوره العظيم".