كشف أمير عزمي مجاهد مدرب الزمالك السابق عن تفاصيل فترة جروس في تدريب نادي الزمالك والتي انتهت مؤخرا برحيله عن تدريب الفريق.وقال أمير عزمي في تصريحات لبرنامج "الكورة مع فايق" الذي يذاع عبر شاشة ام بي سي مصر 2 : "جروس كسب 16 بطولة في تاريخه، أعلى مدرب سويسري وتتقال قلة أدب وعدم تربية من بعض الناس اللي اتقال علي الراجل انك تشكك في صحة بني ادم قلة ادب انك تقول الراجل بينسي اسماء اللاعيبة قلة ادب وقلة تربية ، انت مش بتتعامل مع مدرب بتتعامل مع بني ادم ".وأضاف مدرب الزمالك: " الكلام طلع من لجان ومن بعض الناس جوه النادي ومن بعض وكلاء اللاعبين ، كل اللي عملوا كدة اغبياء، كان في وقت من الاوقات الكلام كأنه سكريبت متنظم بداية من الزهايمر بعدين عدم تذكر اسماء اللاعيبة وبعدين الحملة بتاعت كسبان خسران متعادل الراجل ماشي الراجل ماشي في يوم من الايام الناس دي هتتكشف للناس ربنا مبيضحكش عليه".وأشار أمير عزمي مجاهد: " خلي بالك انا طالع انا مش هقول اسماء بس انا عندي قدرة الناس دي اقلعها هدومها ، انا مبحبش انك تتبلي علي بني ادم دي، معروف مين اللجان ومعروف مين في الجهاز كان بيطلع للإدارة يقول للراجل وحياة النعمة دي الراجل عارفهم بالاسماء يطلعوا فوق للإدارة بس هو اكبر من كدة غير المستوي المنحط ده واحد يجي يقوله جود لاك يروح غامزلي ، عارفهم".