كشف أحمد حسام ميدو لاعب الزمالك الأسبق عن تفاصيل فسخ التعاقد الخاص بميشلاك لاعب الأبيض السابق ولجوءه للاتحاد الدولي للمطالبة بمستحقاته.

وقال ميدو في تصريحات على قناة أون سبورت: "عرضنا على ميشلاك رقم الـ 6 أشهر الأولانيين مقابل إنه يفسخ عقده بالتراضي، قوانين اتحاد الكرة واتحاد الدولي متسمحلناش اننا نفسخ عقده".

وأكد: "عشان كنا هنتوقف فترتين قيد، لو اللاعيب هو اللي فسخ هديله فلوسه وهديله غرامة 15% على فلوسه أو 100 ألف دولار زيادة، وكنا عارفين ان ميشلاك هيعمل كده".

وتابع: "الولد بالفعل كان مثل فريقين ومينفعش يمثل فريق تالت ومنقدرش نسوقه ده بقى الموقف اللي احنا متعايشين معاه، وكلنا شغالين في مركب واحدة".

وأضاف: "الرقم اللى اطلب مننا اننا نفسخ عقده بالتراضي خلي عندنا امكانية اننا نقدر نتعاقد مع احمد الجفيلي وعلى مسؤوليتي هيكون مفاجأة الدوري المصري".