تحدث محمود الخطيب رئيس النادي الأهلي خلال حفل الأهلي المقام في الأقصر لاستضافة كأس العالم للأندية والإعلان عن إنشاء استاد الأهلي عن إنجازات الفريق في آخر سبع سنوات.

وتقام الاحتفالية في معبد حتشبسوت بمحافظة الأقصر اليوم الجمعة 14 فبراير 2025 وتشهد الكشف عن تصميم الاستاد، وفي حضور خاص بكأس العالم للأندية.

وقال الخطيب: «يمكن بصفة شخصية انهارده يوم من أسعد أيام حياتي إني اكون في وسط حضراتكم في وجود هذا العبق التاريخى وهذا الانجاز الطيب اللي من 1907 كل من عمل إدارة تنفذية مجلس ادارة لاعبين اجهزة فنية كل من مثل النادي لاعب فني مسؤول ليه دور في الكأس ده في اليوم ده».

وأكد الخطيب: «آخر 7 سنوات الأهلي وصل لنهائي أفريقيا 5 مرات وفاز بالبطولة 4 مرات لعب في كأس العالم مرات عديدة، وحصل على البرونزية 3 مرات ،الأهلي حصل على 5 دوري و2 كأس مصر و2 سوبر أفريقي و6 سوبر مصري».

وتابع الخطيب: «ليه بتكلم على آخر 7 سنوات عشان عاوز أثبت شيء لكن إنك توصل لإنجاز حاجة صعبة بس ممكن، إنما انك تقدر تحافظ دي حاجة صعبة، وهو ده النادي الأهلي، وأعتقد مفيش حد حقق هذا الانجاز إنك توصل نهائي 5 مرات وتحقق 4 اعتقد على المستوى القاري هو رقم 2 في تحقيق البطولات القارية».

وأشار الخطيب إلى أن «هو ده النادي الأهلي وده رجاله وده جمهوره، المنظومة اللي بتشتغل مع بعض وبتبني مع بعض، يمكن الكأس اللى قدام حضراتكم تتويج لما صنعه النادي الأهلي الفترة اللي فاتت».