قال أحمد شوبير في برنامج الكرة مع شوبير على إذاعة أون سبورت إف إم: "النادي الأهلي قيد علي معلول في قائمته المحلية والأفريقية والصفقة الجديدة هي علي معلول لو فيه صفقة محلية ممكن، وأعتقد ده ميركاتو قوي جدا للأهلي أحمد العش وجراديشار وأحمد رضا وبن شرقي وترزيجيه.

وتابع: "من يومين عملنا هنا استفتاء هل الأهلي يجيب جناح جامد ولا يقيد علي معلول ، وكانت النتيجة من 75 لـ 80% بتقول يقيد علي معلول، وهذه الرسايل بتصل وأنا كنت مع علي معلول امبارح وقالي ان الرسايل دي بتوصل".

وأضاف: "أوقات مصلحة الفريق تقتضي ان فيه لاعيبة متكملش، وده حصل معايا أنا مع الأهلي ساعة إصابتي، والجمهور هتف ليا، بس الأمر بالنسبالي كان انتهى والنادي حكم المصلحة العامة، وساعتها كان موجود الحضري وكانت فرصتي في اللعب محدودة".

وزاد: "فيه مواقف ليها حسابات أخرى علي معلول اتصاب، وهو بيلعب وكان بيموت نفسه في الملعب، وكل التقارير بتقول انه رجع خلاص بنسبة 100 %، لكن فكرة الوفاء دي مهمة، وعودة علي معلول تكليل لمجهدوه وفي أحيانا الرأي العام مهم".