واصل أشرف بن شرقي مهاجم الأهلي الجديد حديثه عن تفاصيل تعاقده مع الأهلي والانتقال من الريان القطري لصفوف المارد الأحمر.وقال بن شرقي في حديث مطول عبر برنامج "حارس الأهلي" والذي يقدمه الإعلامي أحمد شوبير عبر قناة الأهلي: "أحب اشكر رئيس النادي محمود الخطيب وخالد مرتجي كمان عشان اللي عملوه عشان العب في الاهلي لاني كنت حابب اني العب في النادي الأهلي ورغبتي اني ألعب للنادي الأهلي".وأضاف بن شرقي: "كنت بتابع الدوري المصري وكل مبارياته امام عاشور لاعب كبير كان بيطمن عليا وبيبعتلي رسايل يقولي انت جاي الاهلي ولا لسة بس انا مكنتش بقوله حاجة عشان اخليها مفاجأة".واختتم بن شرقي تصريحاته: "قلق من هجوم الجمهور؟ بالعكس من يوم ما جيت مصر قابلت ناس زمالكاوية ولسه بيحبوني وأنا ابادلهم الحب ومش هنسي الايام اللي لعبتها معاهم وشرف ليا اني لعبت في هذا النادي ورغم أي حاجة يعمولها انا احب اشكرهم".