وجه سيد عبد الحفيظ، مدير الكرة السابق بالنادي الأهلي، رسالة إلى إدارة النادي بشأن أزمة إعادة قيد النجم التونسي علي معلول في قائمة الفريق بعد تعافيه من الإصابة، وجاهزيته للمشاركة في المباريات.

وقال عبد الحفيظ في تصريحات تليفزيونية: "علي معلول هو أفضل محترف في تاريخ الأهلي من وجهة نظري، سواء بالأرقام أو بالإحساس والرغبة. هو استفاد من وجوده في الأهلي واسمه كبر، لكن هو كمان أفاد النادي بشكل كبير ويجب أن نقدر ما قدمه."

وأضاف عبد الحفيظ: "طول فترة وجودي في الأهلي، ما خصمتش من علي جنيه، ومعلول عمره ما اعتذر عن حاجة أو اتأخر عن ميعاد، دايمًا بيسمع الكلام وبينفذ كل المطلوب منه، حتى لو قلت له الإجازة 3 أيام، بينفذها من غير مشكلة."

وتابع: "من الناحية الفنية، أنا بحب علي معلول وبحب الأهلي أكتر، لكن القفلة مهمة  علي عنده 35 سنة، ولازم القفلة بتاعته تكون تليق بما قدمه مع الأهلي  مينفعش تكون النهاية مش قد اللي حققه مع النادي."