تحدث لاعب الفريق الأول لكرة القدم بالنادي الأهلي محمد الشناوي عن الفيديو التي انتشر بعد مباراة الأهلي وباتشوكا .
وقال محمد الشناوي في مداخلة عبر برنامج الكورة مع فايق: بعتذر لجمهور الأهلي على ما حدث أمس وبذلنا أقصى جهد خلال ال ١٢٠ دقيقة ولكن ربنا ماردش أننا نكسب ونصعد للنهائي.
وتابع: " الحديث التي قيل أنني قمت بالتطاول مع جمهور الأهلى غير حقيقي وعمره ميحصل مني والجمهور على راسي وهو السند وفضله عليا، وأنا موجود في كيان كبير وبحب النادي وجمهوره وكان عندنا حلم أننا نوصل نهائي ومقدرين زعل الجمهور".
وأضاف: " الفيديو جة من آخره وكنا على الدكة والجمهور مدايق وبيتكلمو مع اللعيبة وكانوا بيردو وقولت للاعبي الفريق انا وعمرو السولية محدش يرد اتكلمت مع الجمهور قولتهم حقكم علينا وعارف انكم زعلانين ومدايقين من الي حصل وأخذت لاعبو الفريق وبدخلهم اوضة اللبس وبلم اللعيبة علشان محدش يتجاوز اللدكتور أحمد جاب الله بيقولي امشي قولتله انا ماشي خلاص"
وأكمل: " واحد من الجمهور قال لفظ قولتله انا همشي خلاص ودة الجزء الي جة في الفيديو انا بقول همشي داخل الاوضة هو فكر أن انا بقول همشي من النادي وشتمنى قولتله شكرا، أنا ٨ سنين جوا الاهلي غير الناشئين عمري مهدد جمهور الأهلي الي فضله عليا وعلى كل اللعيبة ومصلحة النادي اهم مني ومن أي حد.
وأردف: "عمري محهدد الجمهور انا طول عمري بحترم الجمهور .. أنا وقفت وسمعت من الجمهور واتكلمت معاهم والدكتور قالي امشي قولتله انا همشي وفيه واحد من الجمهور قالي لفظ قولته شكرا وخلاص".
واستكمل: " عايز اقول للجمهور أي حاجة عايزين تعرفوها اعرفها من اللعيب ذات نفسه احنا بنلعب في بطولات كبيرة وعندنا مانش قوي مع شباب بلوزداد وعايزبن الجمهور يساعدنا ومش عايزين حاجة تعثرنا علشان نفوز بالبطولة ونوصل كأس العالم 2029".