فتح الإعلامي أحمد شوبير حارس مرمى الأهلي السابق ومنتخب مصر النار على العقليات غير السوية في البيئة الرياضية الحالية ويوجه لهم رسائل بتاريخ الأهلي مع المنتخبات الوطنية ويرد على تهديدهم بمنع لاعبيهم من الانضمام للمنتخبات الوطنية.

وقال أحمد شوبير في برنامج "حارس الأهلي" على قناة الأهلي: " لما تتكلم عن المنتخبات لازم تعرف قيمة الأهلي مع منتخب بلدك اللي عملك انت بالتحديد اسمك ولعيبته ودورهم ونجاحاتهم وان كنت ناسي أفكرك وان كنتوا نسيتوا اللي جرى هاتوا الدفاتر تتقرا من 1957 لحد 2010 كتير احكيلك واوصفلك واغنيلك وانت بالتحديد تاخد بالك لولا الأهلي لا ليك طعم ولا شكل ولا كيان ولا شأن وبعدين احب اللي يتكلم عن الأهلي تاريخ عظيم في كرة القدم".

وتابع: "مش عاوزين هواة التريند، ايه رأيك لما قلت هامنعهم ومش هوديهم ما تمنعهم يا عم طيب لو جدع امنعهم بجد لو جدع امنعهم فين مجالس الإدارات الي مبتردش على الكلام الفارغ ده هل وصلنا يا معالي الوزير إلى هذا لمستوى والتهديد بمنع اللاعبين من المنتخب".