علق الإعلامي أحمد شوبير على تصريحات محمد الشناوي، حارس مرمى الأهلي، خلال المؤتمر الصحفي لمباراة سيراميكا كليوباترا في نصف نهائي كأس السوبر المصري.
وقال شوبير، في تصريحات إذاعية: «اللقطة الحلوة في المؤتمر الصحفي لمباراة الأهلي وسيراميكا هو ما قاله محمد الشناوي، قائد الأهلي، حيث وجه أحد الزملاء الإعلاميين سؤالا لمارسيل كولر، على مركز حراسة المرمى، ويبدو أن كولر تحدث في أمور أخرى، فالشناوي هو اللي رد على السؤال».
وأضاف شوبير: «سألوه لو مصطفى شوبير لعب؟، الشناوي قالهم يلعب، مصطفى شوبير ده حارس الأهلي وقدم مستوى رائعا في بطولة أفريقيا والدوري العام، يلعب وأنا أقعد احتياطي، أهم حاجة بالنسبالنا البطولات والنجاحات، سواء أنا لعبت أو مصطفى».
وتابع شوبير: «الشناوي إتكلم على روح الفرقة، وهو ده سلوك الكابتن اللي أنت تحبه، في أوقات بتحس إن واحد بيتكلم من تحت ضرسه، بس ده واحد بيتكلم بجد ومن قلبه، وقالهم أنا جاوبت على السؤال ده وياريت تقفلوا الموضوع ده ومتسألوش السؤال ده تاني».