رد محمد ناجي جدو عبر منصة إكس على تصريحات عضو مجلس إدارة نادي الزمالك أحمد سليمان وهجومه على نادي بيراميدز.
وكتب محمد ناجي جدو عبر منصة إكس : الكابتن أحمد سليمان طلع امبارح و هاجم بيراميدز و أندية الشركات وقال علامات استفهام على بيراميدز عشان مش بيدوهم لاعيبة و انهم بيشتروا لاعيبه وأنهم بيصرفوا كتير و بيدخلهم فلوس قليله و مش بيسيبوا لاعيبة تحترف!!!.
وأضاف : اولاً بيراميدز أداهم عمر جابر و دونجا و عبدالله السعيد و هما دلوقتي احسن لاعيبة في الزمالك و هل لو بيراميدز كلم الزمالك انهم عايزين زيزو مثلا الزمالك هيوافق ؟ و ماسيبتش زيزو يحترف ليه ؟! ، ثانيًا طبييعي ان بيراميدز يشتري لاعيبة و يقوي القايمة زي كل الفرق.
وتابع : ثالثًا ممكن تقولنا يا كابتن احمد الزمالك بيصرف كام و بيدخلو كام و هل بيكسبوا فلوس من الكورة اكيد لا ، الزمالك دفع اكتر من مليار جنيه غرامات بس !! ممكن تقولنا الكوره في الزمالك بتكسب كام!!.
وأكمل : رابعًا من أول المجلس نجح في الإنتخابات و كل لقاء تليفزيوني من اول الرئيس لأصغر عضو بيتكلم عن رمضان و عايزين رمضان صبحي مع انه متعاقد مع النادي لمده تلات سنوات و دي حاجة عمري ماشوفتها في اي حتة في العالم لا في مصر ولا بره مصر ان مسئولين نادي بيتلمكوا عن لاعب في نادي تاني و تعاقدوا ساري لمده ٣ سنوات!!.
واختتم : بصراحة انتوا اللي عليكم علامات استفهام !!!.