تحدث حارس مرمى الفريق الأول لكرة القدم بالنادي الأهلي محمد الشناوي عن العروض التي تلقاها من الدوري السعودي خلال الفترة الماضية.وقال محمد الشناوي في تصريحات تلفزيونية: فيه أندية بتتكلم من أجل إنضمامي إليهم ولكن كلام فقط ولا يجد عرض جدي ، ولن أرحل إلا عن طريق الأهلي والقرار في يد النادي يقرر اطلع ولا لا، الفاكس بيروح للإدارة وهم الي بيفكروا ومتبقي ٦ شهور على إنتهاء عقدي وموضوع التجديد قعدنا مرتين ومحصلش حاجة.وتابع الشناوي: لم أندم على عرض النصر السعودي والعرض وصل النادي والأهلي رفض وفضل تواجدي، وجالي عرض تاني وكابتن الخطيب كلمني وقالي انت موجود معانا ومكانش عندي أي مشكلة وانا تحت أمر النادي، والعرض تخطى ال 150 مليون جنيه في الموسم والعرض كان ثلاث مواسم.وأضاف الشناوي: مش بحب اطلع واتكلم عن رفضي للعروض، وعملت مداخلة من قبل كدة وقولت عمري مهنسى فضل الأهلي وكنت بعدي من قدام سور النادي واقول أتمنى العب هنا، والأهلي هو الي جابلي عربية وبيت وعيشني أنا وأهلي ولما يقولي محتاجك انا موجود.