قال المدير الفني للنادي الأهلي مارسيل كولر: بسجل استياءي من توقيت إعلان ماتش كأس مصر قبل ماتش المقاولون دة مش توقيت انك تشتت اللعيبة وتعلن التوقيت قبل توقيت ماتش دوري مهم زي دة وبسجل اعتراضي عن توقيت الإعلان.
وتابع كولر: التوقيت الي اتحط فيه ماتش الكأس دة كدة انت بتقول أن اللعيبة دي مش هتاخد اجازات وهتحلم الموسمين في بعض واللعيبة الدولية في منهم وصل ل ٧٠ ماتش ودة رقم مخيف ورغم كدة بنغضط عليهم وبتقولهم هتكمل الموسم الجديد كمان بنفس الرتم وهتكمل مع المنتخب وكل البطولات دي من غير راحة ولا نفس ومفيش تحمل مسؤولية تجاه لاعبي النادي الأهلي ولاعيبة المنتخب بإصدار قرار زي دة.
وأضاف: الكأس هيخلص وبعدها بيومين اللعيبة هتروح المنتخب وبعدها هيلعبو الدور التمهيدي في إفريقيا وبعدها ماتش السوبر وكدة الموسم لحم مع الي بعده ومفيش اجازة للعيبة ولو دة اتنفذ انتظرو في ديسمبر ونوفمر انهيار تام للعيبة واصابات كتير ومحدش يستناهم خالص بعد موسم طويل وشاق وبنلعب بقالنا شهرين و ٢٠ مباراة في شهرين رقم مش موجود في العالم كله وعلينا أننا نكمل بدون اجازات.
وأكمل: نا معرفش الي أصدر القرارات أصدرها ازاي والي بياخدها المفروض يبقى عنده مسؤولية تجاه هؤلاء اللاعبين وأنهم بني ادمين مش مكينات وبعد الموسم الطويل دة اللعيبة محتاجة ٣ أسابيع راحة يعملو استفشاء والتحضير للموسم الجديد الي فيه أجندة دولية شاقة وصعبة والجهاز الفني كمان بني ادمين ومحتاجين إجازة.
واستكمل حديثه قائلًا: انا مقدرش اشتغل سنة كاملة وادخل موسم تاني بدون اجازات احنا واللعيبة والاداريين مبقاش عايزين نشوف الكورة ومحدش بيشتغل سنة من غير اجازات وانتو بتطالبو أننا نلعب سنة كمان بدون اجازة لازم اتحاد الكورة يبقى عنده مسؤولية تجاه اللعيبة هو مسؤوليته أنه يحافظ عليهم وميكونش سبب في اصابتهم.