تحدث المخرج عمرو سلامة عن الكرة المصرية وحصد لقب بطولة الدوري المصري الممتاز للنادي الأهلي.وقال عمرو سلامة : أنا رأيي خلاص، الدوري كل سنة نديه للأهلي من قبل ما يبدأ، والفرق الثانية تنافس ع المركز الثاني، حرام نتعب لاعيبة غالية كده كمان في بطولات محلية، ورايحين جايين على محافظات يلاعبوا فرق غلبانة مش مستواهم، يركزوا بقى في البطولات القارية والعالمية.وأضاف عمرو سلامة : من العبث إنك تحبط فرق كل ميزانيتها تساوي نص سعر لاعب في الأهلي وهم بيخسروا ثلاثة وأربعة بأقل مجهود من أبطال القارة.وتابع : الفجوة كبرت لحد ما انتفت المنافسة، ومناخ طارد لأي مستثمر يفكر يحط فلوس في الكورة في مصر، ومحبط لأي فريق جماهيري قاعد يتداين وبرضه عمره ما هيحصل فريق معاه كل هذا الدعم المادي وكل أشكال الدعم الأخرى.واختتم عمرو سلامة حديثه قائلًا: يا معشر الكرويين فكروا في الاقتراح ده والله، أهه ساعتها يمكن نحس بشوية منافسة ونفرح بقى براحتنا بالأهلي بطل مصر الأوحد لما يركز طاقاته في إنه يكسب بطولات قارية وعالمية، بدل ثقل الدم الماسخ ده.