فتح أحمد شوبير النار على أحد أعضاء مجلس إدارة نادي كبير بعد تصريحاته التي طالب بإلغاء الدوري المصري عقب فوز المنتخب على بوركينا فاسو.
وقال شوبير عبر برنامجه التليفزيوني: "لما يطلع عضو في مجلس إدارة نادي كبير جدا يقولك الغي الدوري عشان اللاعيبة مرهقة".
وأضاف شوبير: "يا عم الكلام ده من سنة 89 انت عايش في زمن قديم ، الغي الدوري ايه هو فيه حاجة اسمها كده ، هو الدوري ده دورة رمضانية عاملينها تحت البيت اللي يكسب ياخد خمسة جنيه وياخد طقم ملابس ده دوري عام دوري باسم مصر يكسبه اللي يكسبه".
وأشار شوبير: "ويقولك الغي الدوري أصل اللاعيبة مرهقة، يا راجل يا واد يا واد ايه الفكاكة دي الغي الدوري؟ الأهلي قالك مفيش الغاء للدوري مفيش حاجة اسمها كده".
واختتم شوبير تصريحاته النارية: "يا راجل ايه ده ايه الكلام الفارغ ده لو مش عارف تتكلم ما تطلعش مالوش لازمة طلوعك، عيب والله، والله العظيم تلاتة عيب".
يذكر أن أحمد سليمان، عضو مجلس إدارة نادي الزمالك طالب بإلغاء بطولة الدوري العام في الموسم الجاري، من أجل توفير فترة إعداد للمنتخب المصري قبل المشاركة في بطولة كأس العالم 2026.
وقال أحمد سليمان في تصريحات عبر قناة إم بي سي مصر: "احنا نلغي الدوري، ده كلام مش كوميدي، الإرهاق ظهر على مستوى لاعبي منتخب مصر في مباراة بوركينا فاسو".
طالع أيضا
الزمالك: «احنا نلغي الدوري عشان كأس العالم.. مش هتفرق مع الأهلي»