تحدث لاعب الفريق الأول لكرة القدم بالنادي الأهلي محمد مجدي أفشة عن ازمته الأخيرة مع المدير الفني السويسري مارسيل كولر.
وقال أفشة: أي حد يغير رأيه بضايق عمومًا ومفيش حد معين، وكنت بتكلم مع مستر كولر قبل كدة وقالي لما تعمل كل الي انا عايزه هتلعب وأنا قولته شوف انت عايز اي وكل التعليمات الي هتدهالي هعملها،
وتابع أفشة: كولر أكثر مدرب انا اتطورت معاه وعندي الحتة الهجومية كويسة وعندي كورة لكن هو خلاني ادافع كويس ولو كنت بدافع ٣٠ في المية بقيت أدافع ٩٠ في المية ودة حقه ولازم ادهوله وأنا من الناس الي لو بتعمل معايا حاجة وحشة بس بتعمل معايا حاجة حلوة هاخد دي ودي ودايما هديك حقك في الحلو.
وأضاف: اتكلمت مع مستر كولر أنه قال الي هيرجع من الإصابة مش هيلعب والي هيتمرن كوبس هيلعب لكن دة مش بيحصل، بس دي وجهة نظرك وانا لاعيب وشغلتي اني اجي النادي وأتمرن بس انت جاي عليا واتا بعمل كل حاجة وبتمرن كويس وبعمل كل الي بتقولي عليه ومش لاقي مردود والموضوع خلص.
وأكمل: مش عارف فيه عقوبة ولا لا مصر كلها قالت عقوبة وحد قالك خد شنطته ومشي ولم لبسه حاجات بتحصل غريبة ودة اسباب المشاكل في مصر انت بتقول كدة بناء على أيه انا لو عملت كدة انا هلوم نفسي وهضرب نفسي والنقاش كان باحترام وأدب ومحدش قالي ان فيه غرامة.