شوبير: جهاد جريشة عنده مشكلة في فهم القانون.. محتاج يذاكر شوية



علق أحمد شوبير الإعلامي بقنوات أون تايم سبورتس، على تحليل جهاد جريشة الحكم الدولي السابق على كرة لمست يد إمام عاشور لاعب النادي الأهلي في مباراة الترجي التونسي بإياب نهائي دوري أبطال إفريقيا.

وقال شوبير خلال حديثه عبر إذاعة أون سبورت: "ياريت يستحملني شوية كابتن جهاد جريشة في الكلمتين اللي هقولهم لأنهم هيكونوا تقال شوية.. كابتن جهاد بيطلع يحلل الحالات التحكيمية هو مش أهلاوي ولا زملكاوي هو كابتن جهاد عنده مشكلة في فهم القانون نفسه مشكلة حقيقية".

وأضاف: "يعني مثلا كرة إمام عاشور اللي جت في ايده القانون كل شوية بيكون في تعديلات وبتتقال والحكام بتذاكرها وأنا بحكم شغلي بسأل الكورة دي متحسبتش ليه طب اتحسبت ليه طب القانون بيقول ايه".

وأكمل: "الأخوة في تونس متوقفوش أمامها واللي اتكلم قال مفيهاش ضربة جزاء مفيهاش شبهة ضربة جزاء على الإطلاق.. كابتن جهاد قال كلنا كنا عاوزين الأهلي يكسب بس في ضربة جزاء للترجي فخلى الناس اتقلبت على بعضها وانقسموا هو بيتكلم صح ولا غلط".

وواصل: "كابتن جهاد ما تذاكر شوية هو آخر سنتين تلاتة في التحكيم مكانوش حلوين كان بيحكم فاينل الوداد والترجي اللي كان في المغرب وحصل مشاكل كتير جدا جدا وأخطاء فادحة وكان رايح كاس العالم ومشوه وكان عنده مشاكل كتير".

واختتم شوبير حديثه: "كابتن جهاد ذاكر كويس علشان لما تطلع تقول كلام صح وقرارات صح لأن الناس بتمسك في الهمسة".

استطلاع الراى


أفضل لاعب بفريق الأهلي بدوري أبطال أفريقيا؟
دوري أبطال أفريقيا - 2024

الفيديوهات الأكثر مشاهدة خلال شهر
تطبيق الأهلي.كوم متاح الأن
أضغط هنا