شن الإعلامي أحمد شوبير هجومًا حادًا على رابطة الأندية المصرية المحترفة لكرة القدم، يوم الثلاثاء، متهمًا إياها بمجاملة الأهلي والزمالك على حساب باقي فرق الدوري المصري الممتاز فيما يتعلق بتوقيتات مباريات المسابقة في الوقت الحالي.

وقال شوبير في برنامجه عبر «راديو أون سبورت أف أم»: "حرام اللي بيحصل للاعبي الدوري المصري حاليًا، بعيدًا عن الأهلي والزمالك، رابطة الأندية عايزة تخلص على اللاعيبة ونرجع تاني لكارثة أحمد رفعت، لاعب مودرن فيوتشر".

وأضاف: "فعلاً اللي بيحصل في توقيت المباريات دا حرام جدًا، إزاي الفرق تلعب الساعة 4 عصرًا في هذا الحر، وأراهن إن الأهلي والزمالك يلعبوا مباراة واحدة طول الموسم في هذا التوقيت، والآخر عايزين أداء ومستويات قوية من اللاعبين".

وتابع: "يا جماعة مينفعش اللي بيحصل دا، رابطة الأندية لازم تراجع نفسها مرة تانية في توقيت المباريات، ودا طلب مش مستحيل، لكن المباريات تتلعب في هذا التوقيت في هذا الحر حرام، وأراهن إنكم تطبقوه على الأهلي والزمالك".

واتم : "اعتبروا الأندية اللي بتلعب الساعة 4 دي الأهلي والزمالك، عاملين تفرقة ليه بين باقي الفرق والأهلي والزمالك، ولا عشان القطبين عندهم جماهير وإعلام؟ كل الفرق سواسية ومن حقها تلعب في أجواء طيبة أي كان مصيرها في الدوري".