أعرب عمرو الجندي لاعب الفريق الأول لكرة السلة رجال بالنادي الأهلي، عن سعادته الكبيرة بعد الفوز على الزمالك والتأهل إلى نهائي دوري السوبر.وقال عمرو الجندي خلال حديثه عبر قناة الأهلي بعد نهاية المباراة: "الحمد لله مبروك لينا كلنا عارفين ان الماتش التالت هيكون أصعب ماتش لأنهم مش عاوزين يخسروا وعاوزين يظهروا بشكل كويس".وأضاف: "كنا مستعدين كويس وبدأنا بداية كويسة بس حصل دروب شوية في الشوط التاني بس مكناش قلقانين خالص بعد ما اتقدموا علينا ولعبنا بخبرتنا والحمد لله قدرنا نكسب الماتش ونكسب 3-0 علشان ناخد وقت أكبر نريح فيه قبل نهائيات البال في رواندا".وأكمل: "الفوز ده مصالحة الجمهور على الماتش اللي خسرناه على أرضنا الرد بالفوز بـ 3 ماتشات". واختتم عمرو الجندي حديثه: "الزمالك فريق كبير ومعاهم محترف على أعلى مستوى وكابتن وائل مدرب كبير احنا عارفين أننا هنعاني والماتش مش هيخلص بسهولة".