يصر عصام عبد الفتاح رئيس لجنة الحكام الأسبق باتحاد الكرة على وجود ألفاظ "روح القانون والاحتواء" في التحكيم وأن الفيفا يتحدث عن في كل المحاضرات للحكام.

وأوضح عصام عبد الفتاح في تصريحات عبر إذاعة الشباب والرياضة: "اللي ميعرفش يقول عدس، الاحتواء وروح القانون، دلوقتي اللي بتسميهم الفيفا " Football Understanding " ازاي تدير المباراة بدون مشاكل وتدير المباراة و محدش يبقى زعلان منك، هو ده اللي شغال دلوقتي على مستوى العالم، وإحنا بعيد عنه تماما".

وأضاف عبد الفتاح: " أنا مرة الناس اتهموني بالجهل لما قلت هذا الكلام، وتلاقي دلوقتي في كل محاضرة للحكام أيا كانت المحاضرة ، أول حاجة لازم يكون حكم ذكي وبيفهم، مش كل حاجة القانون، " Football Understanding " بقى أقوى من القانون والاعتبارات اللي الحكام بتحكم بيه".

وضرب عصام عبد الفتاح مثالا على ذكاء الحكم ف المباراة: "لو كسبان الماتش وفي آخر المباراة مثلا، خطأ مش خطأ خالص بس عشان تحافظ على المباراة احسبه للفريق الخسران، لأن الخطأ مش هيأثرعلى نتيجة المباراة لكن في النهاية قدرت تعمل كونترول".

واختتم عصام عبد الفتاح تصريحاته: "الفريق الخسران دايما بيتكلم عن الحكم  فمتخليهوش يمسك عليك أي نقطة، خليك ذكي، تعامل بذكاء مش بس بالقانون، الحكم اللي بيمشي على القانون دلوقتي عمره ما هيكون من الحكام الكبار إطلاقا، مش بقول إن هو يتلاعب بالقانون، اللي  ينفذ القانون بنسبة 100% عمره ما يبقى حكم كويس والناس اللي عارفة تحكيم فاهم اللي أنا بقوله".