كشف محمد الشاذلي المتحدث الرسمي لوزارة الشباب والرياضة آخر تطورات الحالة الصحية لأحمد رفعت لاعب مودرن فيوتشر.
وقال الشاذلي خلال حديثه عبر قناة أون تايم سبورتس: "الحالة الخطرة والحرجة تجاوزناها الحمد لله قادرين نوفر في المستشفى كونسولتو طبي في جميع التخصصات".
وأضاف: "حصل بعض الآثار الجانبية الطبية بسبب الأزمة القلبية اللي حصلت وتوقف عضلة القلب لكن في بعض الآثار بيتم معالجتها دلوقتي زي غسيل الكلى وفي تحسن الوعي كاملًا مرجعش لكن في تحسن يوم بعد يوم لكن ان شاء الله مع الأجهزة الموجودة الأمور ممكن تتحسن بشكل أحسن الأيام الجاية".
وأكمل: "تم طرح الموضوع من أول يوم ووزير الرياضة سأل هل الموضوع مستدعي أننا نعمل نقل لأحمد رفعت لأحد المستشفيات المتخصصة سواء في القاهرة أو في الإسكندرية أو خارج مصر خالص".
وواصل: "فاتطمنا بشكل كبير أن كل الرعاية الطبية المتكاملة موجودة في المستشفى دلوقتي إضافة أنه كان يستحيل نقل أحمد رفعت من مستشفى لمستشفى وخاصة خارج مصر كمان".
واختتم الشاذلي حديثه: "كان الأهم أننا مطمنين جدا أن الأطقم الطبية مستوفية كل الأمور والتخصصات وكل العلاجات اللي بيحتاجها موجودة".