كشف حسام عاشور قائد الفريق الأول لكرة القدم بالنادي الأهلي الأسبق، عن كواليس حديثه مع إمام عاشور لاعب الفريق الحالي.

وقال عاشور خلال حديثه عبر قناة dmc: "أحمد نبيل كوكا اللي أنا مبسوط منه جدا لعيب مجتهد لو رجله في الماتشات على طول هيبقى أحسن بكتير جدا".

وأضاف: "حمدي فتحي يقدم نفس دوري لكنه زيادة عني انه كان بيهاجم وبيجيب أجوال كولر طوره وغزى فيه الحتة دي وخلاه يهاجم ويجيب أجوال ميدافعش بس".

وأكمل: "إمام لسة مش عاوزين نحكم عليه دلوقتي لسة عنده وقت ان رجله تبقى في الملعب على طول ويعمل ماتشات احسن ويكسب بطولات".

وتابع: "إمام بتفرج عليه من أيام لما كان في حرس الحدود لعيب كويس وبيلعب رقم 8 حلو أوي بيدافع ويهاجن لسة مطلعش 15% من مستواه".

واختتم عاشور حديثه: " الفترة الجاية أنا عاوزه بس يدوس في الحتة أنه بيتحط في مواقف أنا اتصلت بيه وقولتله أنت ساعات بتحط نفسك بتمسك الكورة شوية ممكن تعرضك لاصابة ممكن ماتشات افريقيا كمان بالذات بيعملها الفترة اللي فاتت مش بيمسك كورة كتير".