عاش خالد الغندور ليلة صعبة عقب إعلان الأهلي تعاقده مع إمام عاشور في الصفقة الأولى للمارد الأحمر في الموسم الجديد.
وظهر خال الغندور متأثرا بصورة كبيرة وهاجم لاعب الأهلي الجديد طوال الوقت بعبر شاشة قناة الزمالك في ظل نفيه الدائم استحالة هذا الأمر.
ويقدم El-Ahly.com ما تناوله الغندور ليكون وثيقة تؤكد خسارة الزمالك أمام الأهلي في صفقة امام عاشور رغم إظهار الزمالك وإدارته وجماهيره بأن الأمر عادي.
"انتقال امام عاشور للأهلي أكيد مزعل كتير من الزملكاوية لأنه لاعب كويس وصغير السن وزملكاوي جدا جدا مش هو بس ده ابوه وأخوه وارتبط بعائلة زملكاوية جدا جدا"
"هل أحد توقع ان امام عاشور الي عيط وبكى وزملكاوي منذ الصغر انه يروح ميتلاند ويرجع بعد 6 شهور؟ هل هو كوبري؟ هل منطقي لاعب يسافر أوروبا والزمالك يقف في ضهره ومحرموش من حلمه يرجع بعد شهور"
"مصطفى فتحي قال مش هالعب للنادي الأهلي أنا مستريح في بيراميدز رفض لأنه زملكاوي اشرف بن شرقي المغربي رفض احتراما لجمهور الزمالك"
"أي لاعب بيمضي 3 سنين، لأ ده امام عاشور واقع راح يمضي للأهلي عقد خمس سنين الزمالك كان بيتحايل عليه يمضي عقد جديد يقول حلمي الإحتراف"
"عائلة زيزو مش زملكاوية ووالده أهلاوي، زيزو اتعرض عليه من الريان القطري 5 مليون دولار ومرتب 3 مليون دولار وزيزو أجمد لاعب في مصر، زيزو ضحى بالفلوس وكمل في الزمالك وقال عمري ما انسى فضل جمهور الزمالك أنا ليه اروح النادي الأهلي شهرة وفلوس مع الزمالك"
"امام عاشور بيقلد كهربا في البرومو ويعمل كده كأن مفيش دم ولا احترام لجمهور الزمالك مين اللي خان العيش والملح؟"
"امام عاشور قال لميتلاند اقسم بالله ما انا راجع هي دي خطة ولا ايه دلوقتي العيب على مجلس الإدارة؟"
اه انه معتبرش ان اللاعب ممكن يكون خاين وان الاعب حبه وانتماؤه للزمالك لا يمكن يخليه يعمل حاجة تانية ويرجع للأهلي بعد ربع ساعة عشان كده جمهور الزمالك مصدوم"
"الأهلي عمره ما هيعلن عن تمن صفقة امام عاشور لأنه لو أعلن عنها هتدون في الميزانية وستناقش في الميزانية لأنها بتوصل 4 مليون دولار"
"قصتي اللي عاوز اوصلهالكم الفلوس بتغير النفوس وبتغير الإنتماء كهربا كان بيبوس تيشيرت الزمالك وبعد كده قالك انا رجعت بيتي حتى لو هلم الكور والزمالك رجعه المنتخب ودلوقتي بيشتكيه"
"آه يا زمن، الإنتماء مات والكرة بقت فلوس، الفلوس بتكلم وهي رقم واحد عند اللعيبة"
"دلوقتي بيتكلموا أبو الفتوح انه مش هيجدد وهيروح الأهلي عمرك ما هتفرض على لاعب أنه يمضي وهو جايله عرض اكبر ما تقوليش انتماء"
"عندي يقين ان الزمالك السنة الجاية هيكون في حتة تانية ومش هيعمل موسم أسوأ من الموسم اللي عمله السنادي
بقول للجمهور بيع اللاعب ومتبيعش النادي"
"الحركة الي عملها امام عاشور في البرومو كأنه لا يعتبر أي قيمة لجمهور الزمالك"
"امام عاشور بيعمل اللي الأهلي بيقوله عليه رامي نفسه بيمضي خمس سنين مكنش عاوز يمضي 3 سنين مع الزمالك، الزملكاوي شديد"