تحدث مارسيل كولر المدير الفني للأهلي عقب فوز الأهلي على المقاولون العرب بنتيجة 4/1 ضمن منافسات بطولة الدوري.

وأوضح كولر خلال المؤتمر الصحفي: " ساعات باعمل مقابلات مع اللعيبة باقعد معاهم، بابقى قاسي مع اللعيبة، بقوله أنا عايز إيه بالظبط، بابقى واضح وصريح معاه ما بلونش عليه، بقول له كل حاجة بوضوح أنا محتاج منه إيه؟".

وأضاف كولر: " أبدأ أشوف اللاعب هيوريني ده في أرض الملعب اللعيب عنده إمكانية إن هو كل يوم في التمرين يتحسن، أنا كمان عندي قناعة ومصدق ده، أنا عارف إن لما اللاعيب عايز يتغيرويتطور في نقط كتير مينفعش إن أطلب منه إن هو في أسبوع يتغير مرة واحدة الموضوع ده بياخد وقت ممكن ياخد شهر أو أسابيع".

وتابع المدير الفني للأهلي تصريحاته: "الموضوع ده بياخد وقت ممكن ياخد أسبوع ممكن ياخد شهر ممكن ياخد أسابيع، فلازم ابقى صابر على اللعيب، المهم إن أنا أشوف إنه بيحاول إن هو يتغير بيحاول ينفذ ده، هو عنده آ كل يوم في التمرين، الفرصة إنه يتغير، يتحسن ويوريني إن هو بيتحسن، وإن هو لما ينزل حتى لو نزل 5 دقائق يوريني في الـ 5 دقائق دول إن هو عنده القابلية وعنده الرغبة والإرادة إن هو يعمل إللي أنا عايزة منه".

واختتم كولر تصريحاته: "في لعيبة كتير كانت فاكرة في الأول إن الكورة بس إن إنت تلعب لقدام بس، لأ أنا الكورة بالنسبة لي لازم يكون ليك أدوار دفاعية، أدوار هجومية، كل اللعيبة بتدافع، اللعب اللي مش مدرك ده بياخد وقت، عشان يدرك ده، وأول ما يبدأ يبدأ يدرك ده هيبدأ ياخد فرصة".

وحقق الأهلي لقب الدوري المصري وانتصر في لقائه الأخير ضد المقاولون العرب بنتيجة 4/1 ضمن الجولة رقم 34 من بطولة الدوري.