تحدث مارسيل كولر المدير الفني للأهلي عقب فوز الأهلي على المقاولون العرب بنتيجة 4/1 ضمن منافسات بطولة الدوري.

وقال كولر خلال المؤتمر الصحفي: "في البداية أنا ماعنديش يعني حاجة اسمها لعيب أساسي، كل اللعيبة اللي شاركت النهاردة، شاركت قبل كده، كل اللعيبة تقريبا، واخدة دقايق، إحنا من أول الموسم وإحنا بنحاول نطبق فكرة التدوير إن إحنا نعملها إن كل شارك لو في الملعب كله موجود، آه ممكن دقايق المشاركة بتزيد أو بتقل من بعض اللعيبة، لكن مفيش لعيب، تقريبا ملعبش معانا من أول الموسم في القائمة كلها".

وأضاف كولر: "بالنسبة لي العيب الأساسي هو اللعيب إللي بينزل أساسي يوم الماتش ، ده تعريف اللعيب الأساسي معنديش حاجة اسمها لعيب أساسي ولعيب، مش أساسي".

وتابع كولر: "كل اللعيبة شاركت كل اللعيبة بتشارك طول الوقت، أنا فخور بفكرة التدوير إن إحنا عملناها وإن إحنا قدرنا إن إحنا طول الموسم نحافظ على اللعيبة، معنديش 11 لاعب يشارك أغلب الوقت او اعتمد عليهم طوال الموسم والباقي يشارك عدد قليل معنديش الفكرة دي".

واختتم كولر تصريحاته: " كل اللعيبة عندي زي بعض، كل اللعيبة عندي أساسية لو عملت إحصائية بعدد دقايق المشاركة كل لعيب هتلاقي إن أغلبهم قريبين من بعض، مفيش حد بعيد قوي عن التاني.".