تحدث محمد شريف مهاجم النادي الأهلي المتوج ببطولة دوري أبطال أفريقيا عن المباراة النهائية والتتويج بالبطولة من قلب ملعب محمد الخامس.
وقال شريف عبر تصريحات لقناة اون تايم سبورتس: "لما بضيع كور ممكن تبقى سهلة باروح البيت متضايق وقرفان منها وباستغرب نفسي اني كنت ممكن اعملها بس ده طبيعي في الكرة تضيع وممكن تجيب".
وأضاف شريف: "كرة امبارح انا زعلان عليها كانت طبيعي تدخل وطبيعي تضيع انا جيبت زيها كتير، الكرة تبان سهلة بس هي صعبة الزاوية كانت مقفولة كنت ممكن اتصرف فيها أحسن من كده كان فيه خيار تاني ارقص الجون"
وتابع شريف: "لما بكون وحش بلوم نفس ومبررش لنفسي الغلط بحاول اصلحة ولو كنت حطيتها وحش كانت ممكن تخش لو فيه نصيب كانت هتخش هي مش محتاجة فهلوة".
وأشار شريف: "نصيب ورزق لو جيبت الكادر من ورا الزاوية مقفولة كانت ممكن تخش مش يومي ده نصيب فرحت بالبطولة بس كنت زعلان اني ضيعت الكرة واني اتصرف في الكرة احسن من كده في الآخر ده نصيب ورزق الزاوية كانت مقفولة".
وتوج الأهلي بلقب دوري أبطال أفريقيا على حساب الوداد المغربي بعد انتهاء مباراة الإياب بالتعادل 1/1 في ملعب محمد الخامس وتحقيق الأهلي الفوز في الذهاب 2/1.