أكد عدلي القيعي، رئيس مجلس إدارة شركة كرة القدم بالنادي الأهلي، أن مجلس إدارة القلعة الحمراء، يحاول مساعدة محمود عبد المنعم كهربا لاعب الفريق الأول لكرة القدم بالنادي، للتخلص من أزمة الغرامة الموقعة عليه.
وقال القيعي خلال حديثه عبر قناة النهار: "قضية كهربا فيها ملابسات كتير مش عايز اذكرها، صدقني الأهلي مكانش في القصة دي خالص، كان الناس عايزة تتوسط، اصل الاتحاد بيقول اصل العقد عاوز يتوثق قولتلهم ملناش دعوة بالقصة دي كلها".
وأضاف: "قولتلهم انا ادرس اللاعب اللي جاي واعرف انه مش هيكون وراه مشاكل لو عاوزينه ده قرار فني، هو بقت وراه مشكلة، القضية كانت مرفوعة ضد الأهلي وكهربا، والمحكمة طلعت الأهلي من القصة دي، والله لم يكن له يد في سفره للخارج خالص ولا كنا نعرف أنه هيعمل كدة هو سافر برة وبعدين قال عاوز ارجع مصر ومعايا الشهادة وهاجي انتقال عادي".
وأكمل: "موضوع كهربا من الاحكام اللي انا مش فاهمها يعني ايه بالتضامن؟ يعني أنا دلوقتي محكوم عليا بمبلغ ما تقولي عليا كام والنادي عليه كام يعني ايه ادفع وارفع قضية على النادي خد الفرق إذا كان النادي هيرجع يلعب، طب لو كهربا بطل النادي هيدفع الفلوس كلها؟ القصة مش كل واحد شايل ليلته الموضوع معقد الغرامة كبيرة والأهلي بيحاول ويساند كهربا أنه يخلص من المشكلة دي مؤكد".
واختتم القيعي: "أنت ملتزم باللوائح اللي متغلطكش قانونيا كنادي انت هتعوضه ازاي؟ فيها طرق هيتعوض كلاعب تديله من وسائل اللي تزود دخله أنه يقدر يسدد".