وجه وائل جمعة صخرة دفاع الأهلي والمنتخب المصري النصيحة لمحمد عبد المنعم مدافع الأهلي عقب تعرضه للطرد في المباراة الأخيرة بنهائي كأس مصر ضد بيراميدز وايمن أشرف بعد غيابه عن الأهلي مع كولر.
وأوضح جمعة في تصريحات عبر إذاعة الشباب والرياضة مع الإعلامي محمد الليثي: "محمد عبد المنعم من أحسن المدافعين في مصر دلوقتي واللي هو فيه غيرة على النادي الأهلي وهيهدى مع الوقت ، منعم لسه ما وصلش للنضج الكامل مازال مندفع ومتحمس وعاوز يعمل كل حاجة ".
وأضاف وائل جمعة: "عبد المنعم محتاج يحس بأهميته بينه وبين نفسه وانه لما بيغيب بيأثر على الفريق ويضر الفريق الكلام ده كله هييجي مع الهدوء ويكون عارف أهميته وأنه عمود أساسي مينفعش الأهلي يلعب من غيره، هو مدافع ممتاز ولازم يركز أن كل قرار تاخده في الملعب هل القرار هيأثر على الفريق أو لأ".
وتابع وائل جمعة تصريحاته: " أنصح ايمن اشرف بالتدريب والهدوء مش أكتر وأنه ويسترجع ثقة المدرب مرة تانية كده كده انت في وقت مينفعش تمشي من الفريق او تعمل مشكلة، تصبر وتسترجع ثقة المدرب من خلال التدريب اعمل اللي عليك واجتهد والعب وفي نهاية الموسم شوف ايه اللي هيحصل".
واختتم وائل جمعة تصريحاته بأن ما يحدث لأيمن اشرف حدث معه أثناء تولي جوزيه الذي كان يريد إشراكه في بعض المباريات وكان طلب حسن شحاته المدير الفني للمنتخب بالمشاركة في كل المباريات ورحلت للسيلية القطري على سبيل الإعارة قبل العودة مجددا عقب بطولة أفريقيا.