تحدث وائل جمعة صخرة الأهلي والمنتخب المصري عن تقييمه لمارسيل كولر المدير الفني للأهلي مشيرا بأنه يقدم أداء مميز مع الفريق منذ توليه المسئولية.
وأوضح جمعة في تصريحات عبر إذاعة الشباب والرياضة مع الإعلامي محمد الليثي: "كولر ممتاز ومكسب للنادي الأهلي ودايما احنا عندنا جملة وما زالت موجودة الأهلي هو اللي بيصنع المدربين واللاعبين وبيصنع كل من ينتمي له".
وأضاف جمعة: "عظمة الأهلي في اسمه الكبير وتاريخه اللي سند لأي حد ولجمهوره اللي بيدي الدعم والثقة وبيكبر أي حد منتمي للنادي الأهلي، جوزيه زي ما أضاف للأهلي كتير جدا جدا أضاف الأهلي وصنع اسم جوزيه في افريقيا وحتى في أوروبا والبرتغال ومعروف من خلال الأهلي".
وتابع جمعة تصريحاته: "الأهلي بيضيف لكل الناس اللي بتدخل جواه محدش يقول أنا عملت للأهلي، دي كانت مشكلة الفترة اللي فاتت مع حد من المدربين اللي اشتغلوا في الأهلي وحسسنا وحسس الجمهور أنه بيمن على النادي الأهلي محدش بيمن على النادي الأهلي".
واختتم جمعة تصريحاته: "تقييم كولر ماشي كويس وشخصية كويسة وعاجبني تعامله وهدوئه واحترامه للاعبيه واحترام اللاعيبة ليه ومقدر النادي الأهلي جدا جدا، دايما اللي يعرف تقاليد وعادات الأهلي ويشتغل بمنهجية الأهلي النادي الأهلي وجمهوره بيقدره وبيعمل اسم يستحقه".