علق خالد مرتجي أمين صندوق النادي الأهلي على عدم تعاقد الأهلي مع مهاجم خلال الانتقالات الشتوية الأخيرة مشيرا بأن الأهلي يمتلك أحسن مهاجمين في مصر.
وأوضح مرتجي في تصريحات عبر إذاعة الشباب والرياضة: "الأهلي محتاج مهاجم؟ ممكن، الأهلي محتاج مهاجم أكيد ، بس مش معنى كده أن انت معندكش مهاجم، لا عندك أحسن مهاجمين في مصر وكنا عاوزين نجيب مهاجم لكن الانتقالات الشتوية صعبة أوي لأن مفيش فرق بتحب تسيب مهاجمها".
وعن سبب عدم التعاقد مع مهاجم من فترة كبيرة فأكد مرتجي: "كولر جه في سبتمبر مش من بدري ودلوقتي بيحضر أفضل وان شاء الله هيكون فيه مهاجم بس أنا معنديش فكرة عن الجنسية لأن فيه لجنة كرة وناس مشرفة على الكرة وكابتن الخطيب هو اللي مفوض ومعاه حسام غالي".
وأضاف أمين صندوق الأهلي: "ثقتي عمياء في رئيس النادي الأهلي، الفترة الأخيرة واخدين كام بطولة؟ المشكلة أن الأهلي اتولد انه يبقى رقم واحد وجمهور الأهلي سقفه عالي جدا والسقف وصل لأنك لازم تكسب ريال مدريد وفلامنجو ده يوضح قد ايه قيمة النادي الأهلي وصلنا اننا كان لازم نكسب ريال مدريد وكنا قريبين".
وتابع مرتجي تصريحاته: " فينجر بين شوطي الأهلي وريال مدريد انبهر بأداء الأهلي واحنا كنا قريبين من التعادل وضيعنا فرص".
واختتم مرتجي تصريحاته: " جمهور الأهلي جمهور طماع ومن حقه أنه يطمع لأن الأهلي دايما هو اللي بيسعد الجمهور الأهلي ربنا سبحانه وتعالى جعله سبب أنه يسعد الحالة المزاجية للشعب المصري".