نجل صفوت عبد الحليم يُكذب مرتضى منصور وقناة الزمالك



كذب عمر صفوت عبد الحليم، نجل الراحل صفوت عبد الحليم نجم النادي الأهلي السابق، ما ذكره مرتضى منصور رئيس نادي الزمالك، وقناة ناديه.

وكان مرتضى منصور رئيس نادي الزمالك، قد صرح في وقت سابق أن محمود الخطيب رئيس النادي الأهلي تخلى عن صديق العمر صفوت عبد الحليم في أوقات مرضه، وهو الأمر الذي قامت قناة الزمالك بعد ذلك بتكراره في أكثر من مناسبة.

وقال عمر صفوت عبد الحليم خلال حديثه عبر قناة الأهلي: "من لحظة ما بابا بدأ يتعب في 2008، 2009 من أول بدأ يتعب بعيدا عن النادي الأهلي هما مسئولين في النادي بس هما أبناء جيله كابتن الخطيب كابتن حسن حمدي كابتن شطة أنا مش عاوز انسى حد بس كله كان على تواصل معاه وموجود معاه طول الوقت".

وأضاف: "بابا طول عمره مخرجش برة النادي الأهلي في حياته من ساعة ما كان لاعب وتوفى غير في فترة راح اشتغل في السعودية والامارات 3 أو 4 سنوات وبعدين رجع في مناصب مختلفة جوا النادي".

وأكمل: "من ساعة ما بدأ التعب وبدأ يأثر على حركته بابا من ساعتها لحد ما توفى باختلاف مجالس الإدارة هو شغال في النادي الأهلي عليه تأمين صحي متكامل بيقبض مرتبه من النادي الأهلي شغال مستشار فني في أكاديمية النادي وأي حاجة بتحصل في أوقات ما كان بيبقى تعبان وبيحتاج يروح مستشفى أنا أول واحد بكلمه كابتن محمود الخطيب أو كابتن شطة هما في 3 دقائق بيبقوا معاه في كل حاجة".

واختتم عمر صفوت عبد الحليم حديثه: "النادي الأهلي بيته هو دخل النادي وهو عنده في الاختبارات 8 سنوات خرج منه وهو متوفي، النادي الأهلي حياته اتولد جوا وعاش جوا وكل اصحابه وكل الناس اللي شغاله هو كل حاجة في حياته لو هتمنى أصحاب في حياتي يبقى زي الناس دي من اللي انا شوفته منهم".

استطلاع الراى


موقف الأهلي في دوري أبطال أفريقيا؟
دوري أبطال أفريقيا - 2023

الفيديوهات الأكثر مشاهدة خلال شهر
تطبيق الأهلي.كوم متاح الأن
أضغط هنا