أكد عدلي القيعي، رئيس شركة كرة القدم بالنادي الأهلي، أن الفريق الأول لكرة القدم بالنادي، يقدم واحدة من أسوأ نسخه في دور المجموعات بدوري أبطال إفريقيا حتى الآن.

وقال القيعي خلال حديثه عبر قناة النادي الأهلي: "الأهلي قدم حتى الآن واحدة من أسوأ نسخه في دور المجموعات، اللي زود قسوة احساسك بالنتائج المتردية أن تتالي المباريات ونتائج الآخرين لم تخدمك ناس حققت الفوز خارج ملعبها وشئ انت لم تحققه حتى الآن ماتش القطن مش نزهة الهلال كسب بصعوبة الوحيد الذي يحقق الفوز السهل صن داونز، وأفلتناه في القاهرة من الهزيمة، هو لعب ماتش كويس لكن كان ممكن نخلص الماتش هنا".

وأضاف: "الجميع منشغل بفكرة اننا عاوزين مهاجم مع ان كل الماتشات اللي هربت النتيجة مننا فيها لو لم يدخل فينا أهداف لفوزنا فيها، بجانب الفرود عندنا تنظيم دفاعي مضطرب جدا".

وأكمل: "مفيش ناس بتتمشى لحد خط الـ 18 عندك علشان تختبر صلابة خط دفاعك خط الدفاع بيتعرض لضغط غير لائق من أداء منظومة الدفاع التي تبدأ من الهجوم عندنا خط وسط هو الأفضل لكن هما مسئولين بالدرجة الأكبر عن أي أهداف بتدخل فينا محدش بيتمشى لحدود منطقة الجزاء ويشوط بأريحية ويجيب جول واتنين بدون ضغط لدرجة ان المدرب قال الأهلي سهل مهمتي".

وواصل: "تجفيف المنابع يعني ايه؟ إذا كنت بتعاني من الكرات العرضية اللي بيستفيد منها أصحاب ضربات الرأس من الخصوم بتمنع من الأساس أن يترفع عليك كورة خطتك تبقى كدة.. طب فريق متفوق في الشوط او النقل ازاي اوصلها لمنطقة جزائي بالسهولة دي؟ هي دي مشكلتنا التنظيم الدفاعي سيئ في الأهلي من كأس العالم ادينا مباريات طيبة لأن في قدرات مقابل دي ضحينا ان الصلابة الدفاعية".

وأتم القيعي حديثه: "الفريق اللي يقدر يتحرك ويمنع الخطورة بدري دخلت في حدود الـ 20 والـ 25 متر والهجمة المرتدة بتتعمل علينا بالسهولة دي فريق عنده مهارات وسرعات في أخطاء وسببها النادي الأهلي وفي أخطاء أرغم عليها النادي الأهلي".