علق محمود بركات عضو مجلس إدارة الاتحاد المصري لكرة القدم، على ما يتردد بشأن وجود محمود جابر في تدريب منتخب الشباب بسبب أن نجله عمر جابر صديق محمد صلاح.وقال بركات خلال حديثه عبر قناة المحور: "انك تقول موجود علشان ابنه عمر جابر صاحب محمد صلاح، محمد صلاح ميل على أحمد مجاهد قاله معلش علشان عمر صاحب هات ابوه مدرب المنتخب هل احمد مجاهد راجل خفيف أوي كدة؟ احنا بنهرج؟".وأضاف: "من امبارح بنشوف وبنسمع ومتابعين وكل كلمتين هرجعلك في التالتة اقولك المنتخب وحش اوي والاداء سيئ في الماتش والاخطاء كتير".وأكمل: "مينفعش بطولة شغالة وانت تقعد تكسر في الراجل الراجل قاعد في المعسكر والكلام بيوصل واللعيبة بتسمع، عاوز وضع اللعيبة يبقى عامل ازاي؟ واللعيبة تسمعله وتحترمه ازاي؟".وأتم بركات حديثه: "استبشرنا خير ان البطولة في مصر واننا قادرين نوصل تلاقي الناس بتتكلم وكاتبة وبتقول استقالة الكابتن محمود جابر اكيد مش معقول ده قمة العبث اني اسمع حاجة زي كدة".