أسامة نبيه: جاوبوا علينا علشان نعمل حسابنا نركز في الدوري ولا نقفل صفحته



تحدث أسامة نبيه المدير الفني للفريق الأول لكرة القدم بنادي الزمالك، عن أسباب الهزيمة الثقيلة التي تلقاها فريقه أمام فاركو بثلاثة أهداف دون رد في بطولة الدوري.

وخسر الزمالك أمام فاركو بثلاثة أهداف دون رد، في المباراة التي جمعت بينهما مساء اليوم الإثنين، ضمن منافسات الأسبوع السابع عشر من بطولة الدوري الممتاز.

وقال نبيه في المؤتمر الصحفي بعد المباراة: "بعد مباراة فيوتشر قولت ان الزمالك هيعاني الفترة الجاية بالرغم من اننا كنا كسبنا المباراة والمعاناة دي ان امورنا هتبقى صعبة علشان هنلعب كل 3 أو 4 أيام مباراة عندي يوم الجمعة ماتش في بطولة افريقيا".

وأضاف: "المعاناة اللي هنعانيها علشان عدد اللعيبة اللي معانا لصالح مين يضغط علينا طول الاسبوع اللي فات كله سواء بقيد اللعيبة او الاضافات اللي جبناها اللي احنا عملناها علشان عارفين ان هيبقى عندنا مشاكل في العدد المرحلة الجاية".

وأكمل: "انا شايف في ضغط نفسي على لعيبة الزمالك وادارة نادي الزمالك انا لحد امبارح مش عارف هجيب معايا اللعيبة ولا لا انا شايف ان في حاجة في اتجاه معين بتضر بمصلحة نادي الزمالك في المرحلة الجاية لو بالشكل ده نادي الزمالك مش هيقدر يستمر في بطولة الدوري بشكل تنافسي".

وواصل: "احنا بطل الدوري السنتين اللي فاتت.. الامور كانت اهدى من كدة بشكل محترم رغم ان كان عندنا مشاكل كتير لكن السنادي في ضغط بشكل غريب جدا وتعنت غريب جدا من خلال اللعيبة هتتقيد روحنا الاتحاد الدولي روحنا الاتحاد المحلي ده شأن خارجي ده شأن داخلي انا شايف ان في اسباب هتخلي الزمالك يعاني بشكل قوي مش محليا بس هنعاني افريقيا".

وأردف: "وبالتالي ده في مصلحة مين؟ هعاني محليا ده في مصلحة فرق الدوري طب افريقيا مصلحة مين؟ انا ممثل البلد كبطل للدوري وبالتالي لازم امثل البلد بشكل كويس وده مش هيحصل غير لما يكون عندي عدد لعيبة كفاية تلعب معايا البطولة المحلية وإلا مش هلعب الدوري وانا معنديش العدد اللي يشغلني في الدوري وافريقيا".

وأتم أسامة نبيه حديثه: "لابد من وقفة خلال الايام الجاية لحسم الامر في عدد اللعيبة اللي تم ضمها وقيدها يا تقولوا انهم هيتقيدوا او لا علشان نعمل حسابنا اننا منبصش للبطولة المحلية ونركز في افريقيا".

استطلاع الراى


من يتوج ببطولة كأس مصر؟
دوري أبطال أفريقيا - 2024

الفيديوهات الأكثر مشاهدة خلال شهر
تطبيق الأهلي.كوم متاح الأن
أضغط هنا