أكد عدلي القيعي رئيس شركة كرة القدم بالنادي الأهلي أنه سيكون هناك تدعيمات للفريق الأول لكرة القدم بالنادي خلال فترة الانتقالات الشتوية المقبلة.
وعند سؤاله على التدعيمات الجديدة قال القيعي خلال حديثه عبر قناة الأهلي: "هو اتفتح باب القيد؟ يعني عاوز الناس تطلع تقول اتفقنا مع فلان وفلان وفلان؟".
وأضاف: "مؤكد لازم يكون في تدعيم لكن ساعت لما تقوله هجيب فلان هيقولك مجبتش ده ليه هنا الخلاف.. فكرة التدعيم اللي الناس بتسمعها وبتتعمل اساطير يعني على الميديا في لعيبة لو مجاتش يبقى فشل.. يبتدي يتسربلك اسماء ناس مستحيل تيجي مصر علشان يقولك ازاي مجابتش دول بلاش بخل".
القيعي يرد على «بخل» إدارة الأهلي: من يفعل كل هذه الأمور كيف يكون بخيلا؟
وأضاف: "مين احسن لاعب اجنبي الناس كانت بتتغنى بيه؟ مش كينو جاب كام جول وعمل كام اسيست مع بيراميدز؟ لكن عمل كام لعبة حلوة اه عمل العاب جميلة طب بالاداء ده والنتيجة دي لو جه وعمل مع النادي الأهلي بتقييمه المادي اللي يعدي 6 مليون دولار هل هيقبل؟ لا مش هيقبل".
وأكمل: "اللاعب بتاع الداخلية جاب هدفين اجمل ما يمكن اجمل هدفين في الدوري هل دي امكانات هل يكمل كدة؟ لما تكون نادي مش بتنافس عندك القدرة على المغامرة وانت وبختك زي بواليا مع الجونة لكن لما جبته حصل ايه مدلكش اللي انت عاوزه اللعب في النادي الأهلي مختلف".
وواصل: "أغلب الكلام مصدره بيبقى من وكلاء اللي بيزق لاعب واللي عاوز يعمل شوشرة ليك كنادي ويلفت نظرك ده بيتكلموا مش بيخلصوا انا بكلمك وفي ادارة قائمة شغالة قبل ما نيجي ونعمل وعندها ترشيحات ومنشنين على حاجات لما الميركاتو يتفتح هيبان انت خلصت مع مين".
وأتم القيعي حديثه: "لكن في لاعب في الدوري المحلي تقدر تجيبه يعمل فارق؟ أي لاعب هتجيبه هيبقى متحمس في البداية لأنه في النادي الأهلي لكن لازم في قياسات كتيرة بتحاول تفكر فيها الناس متستهلش الكلمة اوعى تفتكر اللي بيختار عاوز يغلط ده عاوز يشوف شخصيته والتزامه تنبهنا لنقطة الاصابات الكتيرة لازم يشوف تاريخه مش في اخر سنة لا تاريخه اول لما طلع يلعب".