رئيس الزمالك يُعلن انهيار لاعب جديد ورحيله عن الفريق بسبب مباريات الأهلي



أعلن مرتضى منصور رئيس مجلس إدارة نادي الزمالك طلب لاعب جديد من صفوف الفريق الأول لكرة القدم بالنادي الأبيض الرحيل بسبب تسببه في خسارة الفريق أمام النادي الأهلي.

وقال مرتضى منصور خلال مقطع فيديو عبر قناته على اليوتيوب: "زكريا الوردي واحد من أحرف اللاعبين المغاربة وكان بيتخانق عليه الترجي والوداد وكان جايله عرض في فرنسا وهو ساب كل ده علشان يجي نادي الزمالك".

وأضاف: "لكن للأسف علشان عنده دم وعنده احساس أولا هو مركزه رقم 6 لما جه يلعب لعب 8 ده مش مركزه لكن علشان عنده دم وذوق وابن ناس ومتربي بعض العيال اللي عاملين نفسهم زملكاوية زي ما طفشوا محمود علاء وداخلين على أوباما دخلوا على زكريا الوردي وعمالين يقولوله انت السبب في خسارة السوبر بالرغم من ان اللعبة دي ممكن تحصل مع اي لاعب في العالم".

وأكمل: "إنما بقى جلد الذات كل يوم دول مش زملكاوية ملهمش علاقة بالزمالك ولو محترموش نفسهم هيبقى في اجراءات لأنك مش معقول هتدمرلي الفريق كل لاعب مش عاجب مزاجك تفضل تهاجمه لحد ما يقولي عاوز امشي ده كلام ميرضيش ربنا".

وواصل: "دي بعض الصفحات المأجورة من العتال وعباس وسليمان وهاني شكر وعبد الله جورج ومصطفى عبد الخالق هجوم هجوم فالراجل جه قالك مش هقدر اكمل لأنه للاسف الشديد هو بيشوف الكلام ده.. أمير بيحاول بقاله أسبوع أو عشر أيام يقنعه بالاستمرار وهو رافض".

وأتم مرتضى منصور حديثه "هنفسخ العقد بالتراضي وانت هتكون لاعب حر اي نادي يتمناك.. الفلوس اللي خدها هيرجعها للنادي واتنازل عن كل عقده وهيستنى ليناير يشوف اي نادي وهتشوفوا زكريا الوردي وهو بيلعب في نادي ازاي وتتحصروا ازاي سبناه".

استطلاع الراى


ما رأيك في تطبيق الأهلي دوت كوم الجديد؟
كأس العالم للأندية - 2022/2023

الفيديوهات الأكثر مشاهدة خلال شهر
تطبيق الأهلي.كوم متاح الأن
أضغط هنا