أكد هشام يكن نجم نادي الزمالك السابق أنه لن يسامح مرتضى منصور رئيس النادي الحالي بسبب قراراته التي يرى بأنها تسببت في وفاة والدته.

وقال هشام يكن في تصريحات تلفزيونية "انا ممنوع من دخول نادي الزمالك علشان نزلت الانتخابات ضد مرتضى منصور".

وتابع "هي الناس اتجننت علشان يتقالي اقدم طلب علشان ادخل النادي؟ ليه يعني انت ولا بتأكلنا ولا بتشربنا، الي انت فيه ده من خير ربنا".

وأضاف "وهي داخلة نادي الزمالك اتمنعت من الدخول، صديق ليا اخدها يوديها ومكنش معاها الكارنيه قالتله انا زوجة كابتن يكن، كان عندها فتق وجراحة قلب مفتوح قالولي الحقني دول مانعني من دخول النادي".

وواصل يكن "وصلت لقيتها منهارة وبتعيط قمت داخل شايط فيهم كلهم من رئيس النادي لعلاء مقلد بكل الناس اتهزقت، روحتها وتاني يوم توفت".

وأختتم "الموقف ده عمره ما هسيبهوله، لما يخبط راسه في الحيط مش هسيبه، عمري ما هسامحه، امي ماتت بسببه، امي دي كان مرتضى بياكل من خيرها، من خوفها عليا عملتله حمام وأكل قبل ما تتوفى بـ 20 يوم علشان ميحاولش يإذيني".