أعلن مرتضى منصور رئيس مجلس إدارة نادي الزمالك عن تعاقد ناديه مع مصطفى شلبي لاعب نادي إنبي لتدعيم صفوف الفريق الأول لكرة القدم بالنادي الأبيض خلال فترة الانتقالات الصيفية الجارية.
ونشر مرتضى منصور عبر صفحته الرسمية على موقع التواصل الاجتماعي فيسبوك مقطع فيديو مع مصطفى شلبي وهو يحمل عقده مع نادي الزمالك.
وقال مرتضى منصور خلال الفيديو: "مصطفى شلبي من اللعيبة الممتازين والأجنحة المحترمة واحد من أحسن اللعيبة اللي بتلعب في الناحية الشمال مصطفى شلبي".
وأضاف: "أنا متابعه واعتقد أنه لازم يروح منتخب مصر لأنه من أحسن اللعيبة في مصر في المكان ده بصرف النظر أنه جاب جول في الأهلي أو لا".
وأكمل: "أنا شوفت بيان من النادي الأهلي أنهم مش عاوزين مصطفى شلبي هذا لم يحدث أنا عندي دليل أنهم اتحايلوا على مصطفى شلبي علشان قعدوا يروجوا مصطفى شلبي مش عاوز الزمالك اصله أهلاوي".
وواصل منصور: "مصطفى شلبي العقد ده بقاله شهر ونصف كل الرغي اللي بيتقال بس انا طبعا مطلعتش العقد احتراما للمفاوضات مع نادي إنبي، لكن مصطفى بقاله شهر ونصف ماضي مع الزمالك.. هيتعمله مع كل صفقات الزمالك مؤتمر يليق بيهم بعد مباراة إفريقيا".
ومن جانبه قال مصطفى شلبي: "مبسوط اني همثل نادي الزمالك شرف ليا هحاول ابذل اقصى جهد ليا علشان اسعد جمهور نادي الزمالك".