اعترف محمد مجدي أفشة، لاعب الفريق الأول بالنادي الأهلي أن هناك تقصير حدث في الموسم الماضي من جانب لاعبي المارد الأحمر، تسبب في فقدان العديد من البطولات.

وقال أفشة في تصريحات لقناة الأهلي: "الحمد لله، لقد تعافيت من الإصابة، بعدما أجريت عملية جراحية، وتدربت مع الفريق ولعبت شوط واحد في المباريات الودية، والآن موجود مع الفريق".

وأضاف: "إن شاء الله الموسم المقبل يكون موسمًا مميزًا وخير للفريق ككل ولست أنا فقط، فكرة القدم لعبة جماعية وليست فردية، وإن شاء الله نكون مستعدين ومجهزين أنفسنا".

وتابع: "الموسم المقبل صعب (بعد الموسم الكارثة اللي عملناه)، كانت هناك ظروف كثيرة لكن ليس لي في الأعذار، (زي ما كنا بنكسب بنقول احنا كويسين طبيعي لما نخسر يبقى احنا اللي قصرنا واحنا عارفين اننا قصرنا، مش بننكر ده) ".

وأكمل: "نستعد للموسم الجديد، أنا لست من الشخصيات (اللي بتقول انا تعبان ومصاب)، طالما تواجدت في الملعب (يبقى عشان خاطر الأهلي والفرقة.. مش لازم اطلع اقول مبررات) ".

وواصل:" (بموت نفسي وبتعب وبعمل اللي عليا، ممكن تكون الإصابة كانت مأثرة شوية لكن ده مش عذر، طالما كنت في الملعب يبقى لازم اعمل اللي عليا بنسبة 100%) ".

وأردف لاعب خط وسط الأهلي الهجومي: "من الممكن أن يكون للإجهاد البدني عامل سلبي على مستوانا في الموسم الماضي، ولكن هذا ليس عذرًا أيضًا، طالما أنا في الملعب إذن أنا سليم".

وأتم أفشة: "النادي الأهلي فريق بطولات، (لازم كل لاعب يكون واصله اننا لازم ناخد كل البطولات، عندنا خيار واحد بس مش اتنين، خيار واحد اننا ناخد البطولات، خيار اتنين ده مش محسوب ومش هينفع ييجي) ".