كشف عامر حسين عضو مجلس إدارة الاتحاد المصري لكرة القدم عن تقدم الاتحاد بطلب للاتحاد الدولي لكرة القدم "فيفا" لإقامة مباريات الدوري الممتاز خلال منافسات كأس العالم 2022 المقبلة في قطر.

وقال عامر حسين خلال حديثه عبر قناة إم بي سي مصر: "بلغنا وليد العطار المدير التنفيذي للاتحاد علشان يراسل الاتحاد الدولي يقولهم أننا هنكمل الدوري خلال فترة كأس العالم، استاذ وليد أكد ان مفيش مشكلة في الاتصال بيهم هنكمل الدوري والكأس عادي".

وعن وجود بعض لاعبي الأندية مع منتخباتهم في كأس العالم، قال عامر حسين: "الأندية بتشتكي دايما أن فترات القيد مختلفة ولما بنخلص متأخر بيبقى عندهم مشكلة لو كل نادي عنده لاعب ممكن يكمل عادي مقابل أنهم يريحوا اللعيبة كلها علشان نبدأ نرجع تاني للموسم الطبيعي زي العالم كله، الأندية هي اللي بتضر في الاخر".

وأتم عامر حسين حديثه: "منتظرين الرد الرسمي من الفيفا.. للمصلحة العامة هذا غير مرتبط بموافقة الأندية مش ممكن توقف دوري كامل علشان اتنين لعيبة، لو نادي اعترض هنقنعه.. لو الاتحاد الدولي رفض إقامة الدوري هنلعب كأس مصر وكأس الرابطة".