كشف أحمد دياب رئيس رابطة الأندية المحترفة عن نتائج حديثه مع مارك كلاتنبرج رئيس لجنة التحكيم في الموسم الجديد.
وقال دياب في تصريحات تلفزيونية عبر برنامج الماتش أمس الأحد اتفقنا مع كلاتنبرج انه بعد نهاية كل جولة في الموسم القادم، هيتم استعراض الحالات الجدلية للناس والجماهير، ودي حاجة مقنعة بالنسبة لي تمامًا"..
وتابع "الراجل المسؤول الأول عن التحكيم هيطلع يقول الحالات كلها ويقول وجهة نظره، وده هيقلل من الاعتراضات".
وأضاف "لو نادي له حاجة وهيشتكي يقدر يشتكي، دي حاجة هتفيدنا اننا نصلح الأخطاء ومع نهاية الموسم تكون الدنيا أفضل".
وواصل "كلاتنبرج قرر قولا واحدا انه لن هيتم الاعلان عن عقوبات الحكام وان مفيش دوري في العالم بيعلن عقوبات على الحكام ولن يعلن عن ذلك".
واختتم دياب تصريحاته "كلاتنبرج قال لي إن الناس تقدر تعرف ده من التعيينات، لو في شكوى ضد حكم لو لقيتني منزله تعرف انه مش غلطان ولو لقيته غايب لماتشات يبقى تمت معاقبته".