شوبير يفجر مفاجآت في طلب بيراميدز اللعب في دوري ابطال افريقيا: مسؤول مصري بالكاف يدعمهم وفي لعب بيحصل



كشف الإعلامي أحمد شوبير عن كواليس مفاجئة في ملف طلب بيراميدز مشاركته في بطولة دوري ابطال افريقيا للموسم القادم بدلًا من النادي الأهلي.

وقال شوبير في تصريحات عبر برنامجه صباح اليوم الإثنين "بيراميدز خرج بتصريحات على لسان هاني سعيد بإنهم مركزين في مباراة الزمالك وانهم متمسكين بحقهم في اللعب ببطولة دوري ابطال افريقيا الموسم القادم".

وتابع "وقالوا كمان ان لابد من اتحاد الكرة يراجع قراراه وترشيحاته وإلا النادي سيصعد لاستعادة حقوقه المهدرة، فاكرين كان يا ما كان يا سادة يا كرام؟، المهم ان من زمان قولتلكم خلوا بالكم الي هيحصل بعد كدة ايه".

وأضاف "الموضوع من أوله، اتحاد الكرة في اجتماع 29 يونيو اتقال ان الدور الأول هيكون الحد الفاصل لتحديد المتأهلين لبطولات إفريقيا، مباراة الأهلي والجونة يوم 5 يوليو كان آخر مباراة للأهلي في الدور الأول والترتيب وقتها الزمالك بعده الأهلي ثم بيراميدز وفيوتشر، وفي يوم 10 يوليو ارسل اتحاد الكرة للكاف بشكل رسمي الأندية المشاركة في البطولات الإفريقية وفقًا للي اتفقوا عليه".

وواصل "اقولكم ليه بيراميدز بيعمل كدة؟، احد المسئولين السابقين في اتحاد الكرة المصري قال لبتوع بيراميدز اتحركوا واوعوا تسكتوا واتحركوا علشان تحفظوا حقوقكم وسيبوا الباقي على الله ثم عليا".

وأردف شوبير "والله العظيم بتكلم جد وده حصل، اتحاد الكرة بعت للكاف خطاب في 10 يوليو لكن الكاف مردش ولسة معتمدش لان المهلة ممتدة حتى 30 يوليو".

مضيفًا "الكاف هيبدأ من النهاردة يشوف الأسماء ويراجع التراخيص ويشوف الملاعب موقفها ايه ودي حاجة مفيش مشكلة فيها بالنسبة للأهلي وبيراميدز، طيب لما الكاف يجيله لو في طلب بمراجعة الأسماء من أي نادي هيتم مراجعة الأمر من خلال لجنة المسابقات، شوف بقى مين من مصر في لجنة المسابقات".

واستكمل تصريحاته "اللجنة هتدي رأيها بالموافقة أو الرفض، القرار هيكون يا اما اعتماد القرار المحلي وان ده شأن داخلي وده الطبيعي الي يحصل ويتقال، يا إما يراجع اللوائح ويبت في القرار بالرفض".

متابعًا "المعلومة الي عندي ان الأقرب ان كل حاجة تفضل زي ما هي وان الكاف لن يغير شيء وبيراميدز يحاول اثبات حقه في التواجد في البطولة الإفريقية، لكن دي معلومة مش قرار".

واختتم شوبير تصريحاته قائلًا "لا استطيع الجزم في أن الأهلي سيتواجد في دوري ابطال افريقيا النسخة المقبلة، بنسبة كبيرة ده المفروض يحصل ولكن خلي بالك فيها حتة، حتة حبايبنا وصحابنا الي بيلعبوا في الحتة دي، لو محصلش كدة او كدة، ننتظر ونرى، في لعب ومحاولات في الموضوع ده".

استطلاع الراى


سبب خسارة الأهلي لبطولة كأس مصر
كأس مصر - 2021/2022

الفيديوهات الأكثر مشاهدة خلال شهر