أكد مرتضى منصور رئيس نادي الزمالك صحة المكالمة المسربة بينه وبين أحمد دياب رئيس رابطة الأندية والتي انتشرت خلال الساعات الماضية عبر وسائل التواصل الاجتماعي.

وقال مرتضى منصور في تصريحات عبر قناته الرسمية على موقع التواصل الاجتماعي يوتيوب اليوم الإثنين "بطمن جمهور الزمالك وبشكره جدًا جدًا على الدعم وبقاله 3 ايام مش نايم بسبب احمد دياب".

وتابع "أحمد دياب انا اتكلمت عنه قبل كدة ومحدش اخد باله، وقلت في حد اسمه أحمد دياب لو سمعت المكالمة الي هو اتكلم معايا فيها وقل أدبه للناس هتحصل مشكلة كبيرة في البلد وانا مش عاوز مشاكل تحصل".

وواصل مرتضى منصور "ولكن في حد انا مش عاوز اقول اسمه المفروض انه مسؤول سربها علشان يعمل مشكلة في البلد".

واختتم تصريحاته "بشكر الجمهور العظيم وبكرة في مؤتمر صحفي، جمهور الزمالك عاوز يحضر المؤتمر وانا بدعوا اي صفحة او قناة يوم الخميس ايا كان موقفهم متفقين معايا او لا يحضروا في مؤتمر يوم الخميس الساعة 6".