قرر نادي الزمالك إعادة البرتغالي جيسوالدو فيريرا لتولي منصب المدير الفني للفريق الأول، وهو ما يدفع الجميع للتساؤل نحو وضعية أبرز لاعبي الأبيض في الفترة المقبلة، وعلى رأسهم محمود شيكابالا، وطارق حامد.
El-Ahly.comلن يجعل الأسئلة تدور في رأسك كثيرًا، إذ يعيد في السطور المقبلة، تصريحات سابقة من مسئولي الزمالك، حول رأي المدرب البرتغالي في بعض لاعبي الزمالك.
وسبق وأن أكد مرتضى منصور، رئيس نادي الزمالك أن فيريرا "يكره" طارق حامد، فيما أوضح نجله والمشرف على قطاع الكرة، أمير مرتضى أن المدرب البالغ من العمر 75 عامًا لا يريد تواجد محمود شيكابالا في صفوف الأبيض.
ونستعرض فيما يلي أهم تصريحات مسئولي الزمالك عن الفترة التي تواجد فيها فيريرا مديرًا فنيًا للزمالك في الفترة من فبراير إلى نوفمبر عام 2015:
وقال مرتضى منصور في تصريحات عبر قناة تين: "فيريرا مدرب فاشل، كان كاره طارق حامد، وغصب عنه الواد اثبت وجوده، المدرب اللي بيحب ويكره ده مينفعش يبقى في نادي كبير زي الزمالك".
وقال رئيس الزمالك في تصريحات أخرى أدلى بها لقناة الحياة: "فيريرا يقعد وامشي 9 لاعيبة ؟ هذا المغرور صمم يمشي ايمن حفني ودويدار واحمد سمير واسلام جمال وخالد قمر السنة اللي فاتت . كان ممكن يسيب أيمن حفني ودويدار وطارق حامد بس هو مش طايقهم. مش طايقهم. وكأنهم مش موجودين عنده".
وعن موقف فيريرا من شيكابالا، قال أمير مرتضى: "أول مرة اقول الكلام ده وشيكابالا نفسه ميعرفش الكلام ده، أنا شوفت ناس كتيرة اوي بتقول كلام في وش شيكابالا، وبتقول كلام تاني في ضهره، مديرين فنيين ومدربين".
وأضاف: "مثلا بتيجي في بداية بتعرض على المدير الفني مين يرجع ومين ميرجعش، فيقولك انا عايز فلان وفلان وفلان، ولو سمحت شيكابالا مترجعوش، ولو سألتني في الإعلام هقول انا عايزه، مدربين مصريين واجانب بيقولوا كده".
وأتم في تصريحاته لقناة أون تايم سبورتس: "هقول من الاجانب عشان مفيش حرج، فيريرا قبل ما يمشي كنا بنتكلم في ان شيكابالا يرجع، قالي هتسأل في الإعلام في مؤتمر صحفي هقول عايزه، هقعد معاك في قعدة مقفولة هقولك مش عايزه. فيريرا من احسن المدربين اللي انا شوفتهم . ده ذكاء منه، هو مش مطلوب منه يبقى صريح".
يُذكر أن عقد طارق حامد مع الزمالك ينتهي بنهاية الموسم الجاري، وتُجرى مفاوضات معه حاليًا من أجل التجديد، مع أحقيته في التوقيع لأي نادي آخر، والانضمام له مجانًا الموسم المقبل.