أفشة: البعض يحاول إفساد علاقتي بمحمد شريف



تحدث محمد مجدي أفشة لاعب الفريق الأول لكرة القدم بالنادي الأهلي عن علاقته بمحمد شريف مهاجم الفريق الأحمر، وعن الذين يحاولون إفساد هذه العلاقة.

وقال أفشة خلال حديثه عبر قناة إم بي سي مصر: "حاجة كويسة لما يكون في أتنين لاعيبة مع بعض في فريق واحد بيشاركوا في 50% من أهداف النادي الأهلي، ده رقم كويس جدا".

وأضاف: "ليه عاوزين تعملوا العكس، وتبعدوا أفشة وشريف عن بعض، شريف زعل شوية بسبب الاحتفال، هو عاوز يحتفل لوحده بعد لما كنا بنحتفل مع بعض بعد كل هدف".

وأردف: "في حاجات غريبة بتحصل في مصر مش بستوعبها، برة مصر مفيش الكلام ده، لو في اتنين كويسين مع بعض الناس بتقف جنبهم علشان يكونوا أحسن، لو مسجلين 30 هدف بيساعدوهم علشان يسجلوا 60، هنا بشوف عكس الكلام ده".

وأتم أفشة حديثه: "أنا وشريف مع بعض على طول في النادي أو برة، في فترة الناس قالوا مش بباصي غير لشريف علشان يجيب اجوال، ماشي موافق مش هباصي غير لشريف بس علشان مصلحة الفريق لو معايا واحد تاني غير شريف هديله يجيب جول أهم حاجة مصلحة النادي لكن الاشخاص بعد كدة".

استطلاع الراى


هل يحتاج الأهلي التعاقد مع صفقات جديدة بعد التعاقد مع شادي حسين وبرونو ومصطفى سعد؟
الفيديوهات الأكثر مشاهدة خلال شهر