الدوري العام - 2021/2022

تصريح تاريخي من أسطورة الإسماعيلي: الأهلي بيتجامل؟ 42 دوري بالمجاملة؟ طب وبطولاتنا من غير مجاملة؟



علق سيد بازوكا نجم نادي الإسماعيلي على تصريحات يحيى الكومي رئيس مجلس إدارة الدراويش بشأن مجاملة الأهلي في بطولاته عبر تاريخه.

وقال بازوكا في تصريحات تلفزيونية أمس "انا معرفش يعني ايه يتقال فرقة بتاخد كل بطولاتها بالمجاملة، الأهلي واخد كام بطولة دوري؟ 42 دوري فيهم 40 واحد مجاملة مثلا؟".

وتابع "بما يرضي الله، هل النادي الأهلي هيتجامل في كل البطولات دي؟ طب ما الإسماعيلي واخد 6 بطولات هل حد جاملنا؟ لا احنا اخدناها بالعرق وبالمجهود من الأهلي والزمالك واندية كبيرة".

وأضاف بازوكا "مينفعش حد يقول ان الأهلي اخد بطولاته بالمجاملات، احنا عندنا مشكلة في نادي الإسماعيلي وهي التصريحات، انت رئيس نادي محترم ورجل أعمال ناجح لازم تكون تصريحاتك هادئة وانت رئيس نادي الإسماعيلي".

مختتمًا تصريحاته "لما تقول تصريح لازم تنفذه، لو هتنسحب انسحب لكن متقولش كلام والناس ترجع تضحك على البيان، اقدر اقول ان الحكم اخطأ اها، لكن مقولش الأهلي اتجامل، الأهلي مش هيقول لحكم جاملني".

استطلاع الراى


نهائي دوري أبطال أفريقيا بين الأهلي والوداد المغربي؟
الدوري العام - 2021/2022

الفيديوهات الأكثر مشاهدة خلال شهر