تقدم خالد الغندور، قائد الزمالك الأسبق ومقدم البرنامج الرئيسي على شاشة قناة ناديه باعتذار لوليد سليمان، قائد الفريق الأول بالأهلي.
وقال الغندور في تصريحاته ببرنامجه على قناة الزمالك:" (أنا عاوز اعتذر لوليد سليمان، لأن أنا بسبب الكلام الكتير على طارق حامد كنت بدّخل وليد سليمان في جملة مفيدة) ".
وأضاف:" (اللي يقولي طارق حامد مؤذي كنت أقوله لأ وليد هو اللي مؤذي، هو طارق حامد أذى حد او عور حد ؟ فوليد يزعل مني فكنت ببقى متضايق من نفسي) ".
وتابع:" (في النهاية دي طريقة لعب وليد، وهو لاعب حريف بس ممكن يزعل مني فانا بعتذرله على المرحلة اللي فاتت) ".
وأتم خالد الغندور تصريحاته: "اللي حصل ده بسبب الاعلام اللي بيتقدم، مثلا المهندس عدلي القيعي –مقدم برنامج ملك وكتابة على قناة الأهلي- اللي عاوز دايما يقلل من لاعيبة الزمالك) ".
يُذكر أن عدة إعلاميين منتمين لنادي الزمالك سبق لهم وأن اتهموا وليد سليمان بتعمد إيذاء المنافسين في محاولة منهم للدفاع عن بعض الاتهامات لطارق حامد في هذا الشأن.