هاجم حماده عبد اللطيف نجم الزمالك كارتيرون ولاعبي الفريق عقب التعادل مع البنك الأهلي في الجولة الخامسة من بطولة الدوري.وأوضح حماده عبد اللطيف عبر قناة الزمالك: "خلينا نعترف من البداية ان فيه حاجة غلط حتى المدير الفني مش مركز لو قاصد يعمل التغييرات عشان يخسر الفريق طلع كل المهاجمين والفريق كرة عشوائية ومفيش تنظيم ومفيش أداء ومفيش روح ومش حاسين بالجمهور ايه حرقة الأعصاب دي كل ماتش".وأضاف حماده عبد اللطيف: "الفريق خسران في خمس ماتشات 5 نقاط خسران تلتين النقاط بتاعتك، ومفيش أداء ومفيش التزام حتى المدير الفني مش مركز قولنا لازم مدرب عام ومدير كرة ولازم ولازم".وتابع حماده عبد اللطيف تصريحاته: "تغييرات غريبة جدا الزمالك فيه حاجة غلط هو كل ماتش لازم نقعد نتكلم، احنا بنتكلم كلام فني اللي عاوز يلبس تيشيرت الزمالك اهلا وسهلا ولو كارتيرون مش عاوز يقعد يمشي يتكل على الله".وتعادل الزمالك مع البنك الأهلي بنتيجة 1/1 ليفقد النقطة الخامسة في اللقاء الذي أقيم على ستاد القاهرة.