وعد محمود عبد الرازق شيكابالا، قائد الزمالك جماهير فريقه بتحقيق كل البطولات هذا الموسم، مُشيرًا إلى أن كامل تركيزه ينصب حاليًا على مساعدة الفريق في تحقيق الانتصارات.

وقال شيكابالا في تصريحات عبر قناة الزمالك: "الزمالك قادر على التتويج بالدوري مرة أخرى ؟ طبعًا، نحن لدينا إضافات على القوام الآن، ونحن في هذا الموسم (أجمد) بالإضافات التي أتت للنادي".

وأضاف: "أعتبر محمد أوناجم وعمر السعيد ومصطفى فتحي صفقات جديدة للفريق، وهؤلاء اللاعبين سيشكلون فارق كبير معنا، ونوعد جماهير الزمالك بأن نظهر كما ظهرنا في آخر 7 مباريات بالدوري الموسم الماضي".

وأكمل :" (داخلين نكسب كل البطولات، وبطولة إفريقيا مش بتتاخد من النهائي، بتتاخد من الأول، فلما بتبدأ كويس بتوصل رسائل للكل إننا مركزين من أول ماتش لآخر ماتش) ".

وتابع: " (الغزالة بتبقى رايقة امتى ؟ لما أبقى جاهز، لما اتمرن كويس وابقى فورمة بتبقى الغزالة رايقة.. سانن سناني الموسم ده ؟ ان شاء الله) ".

وواصل: "نحن فريق مكتمل، ولسنا في حاجة لأي شيء، (محتاجين الدنيا تبقى تمام في النادي معندناش مشاكل وإن شاء الله بوعد جمهور الزمالك ان كل البطولات تبقى موجودة عندنا) ".

وأكمل: "(مش هنعمل زي الاول بقى خدنا الدوري السنة اللي فاتت فالسنة دي الناس متوقعة اننا نوقع.. لأ احنا مركزين واللاعيبة بتدرب كويس والتدريب كأنه حرب) ".

واستطرد: " (أنا مركز السنة دي وعاوز اساعد فرقتي عشان نحافظ على بطولة الدوري تاني وبطولة افريقيا تبقى موجودة عندنا وانا بتمرن وواقف على رجلي وفي اي وقت هتلاقي الغزالة تمام) ".

وعن مباراة القمة، قال شيكابالا: "لا أحب القرعة الموجهة، وأفضل الشكل الحالي، (تطلع في الاول او الاخر عادي. بس ألعب دوري حلو. ودي حاجة حلوة.. الدوري راجع بشكل حلو وكاميرات جديدة).. أتمنى أن تكون مباراة جيدة وتليق بالفريقين، بعد المستوى الذي ظهرا به في الجولة الأولى".

وأتم شيكابالا تصريحاته متحدثًا عن إيقافه 8 مباريات بقرار من اتحاد الكرة على إثر أحداث الجولة الأخيرة من الموسم الماضي: " (القضية خلصانة. مفيش حاجة أصلا عشان اتوقف عليها)، والآن قدمنا التماس جديد لاتحاد الكرة وأنتظر الرد.. وأتمنى الناس تديني حقي) ".